Já stelpan er búin að vera löt... bara þreytt og aftur þreytt eftir utanlandsferðina. Svaf alveg heila 10 tíma daginn eftir plús extra 5.
Ég ætla að reyna að henda hérni inn lítilli ferðasögu en Ella Dóra hefur nú þegar brotið öll spjöld í sögu bloggsins með aðeins hálfu bloggi um hana en ég skal reyna að brjóta metið hennar ekki.
Á þriðjudagskvöldið tók ég strætó upp á skaga með gáminn minn (a.k.a. ferðataskan mín) með sem deildi með mér sæti. Sumir héldu að ég væri að flytja. Ella Dóra kom í mat til okkar og hafði miklar áhyggjur af hvort sem var kortum eða pakkningu. Ég sagði henni að taka mig til fyrirmyndar og sýndi henni litla fallega pökkun í STÓRU töskunni minni.
Á miðvikudag sótti ég góminn minn.... visa kling kling! Ætlaði svo að bæta daginn umm með því að gefa blóð en við Hrefna vorum nánast reknar út með skömm og máttum hvorugar gefa. Ég krúsaði á Sólon með Guddu minn og umræðan fór meðal annars út í gífurlegt smekkleysi karla á innanhús uppröðun;)
Ég gisti svo í Sandó og mátaði árshátíðarkjólinn minn.
Á fimmtudag hittist svo skarinn í Leifsstöð um kl 14 og eitthvað var nú verlsað... visa kling kling. Á leið um borð ruglaðist ég nu eitthvað í ríminu og sagði löggunni í hliðinu að við værum á leiðinni til Danmörku... svona spurning að vita allavega hvert maður er að fara. Ferðin gekk vel fyrir utan að sumir virtust ruglast aðeins á íslendingum og útlendingum en það var nú bara svona meira upp á funnið.
Jóka og Kata tóku á móti skvísunum í London og leiðinn lá sem heitið til Leamington Spa norður af London. Ferðin var mjög skemmtileg og sagðar skemmtilegar sögur og sunginn já ekki svo skemmtileg lög þar sem að ég fór ekki í sunnudagaskólan né Ölver og kunni því ekki King of the jungle eða neitt af öðrum slögurum um borð. Þegar heim til Jóku var komin var tekin túr um höllina, pöntuð pizza með funky skinku og dregið í herbergi. Ég lendi með Kötu og Hrebbu fræ sem var bara fínt. Við höfðum systralegt samkomulag um svefnpláss og svona.
Föstudagurinn fór í að verlsa.....visa kling kling. Við fórum til Birmingham í kringlu sem heitir Bullring og þar mátti sjá ýmislegt fallegt. Við Anna Þóra komumst samt seint inn í hana því við fundum svo margt fyrir utan hana fallegt. Morgunin byrjaði nú samt á Starbucks þar sem rennt var ofan í sig orku fyrir komandi erfiði. Eftir þó nokkra verslun og glaða visakortshafa þá var haldið heim með helmingin af pokunum þar sem að nokkur burðardýr höfðu tekið við pokum frá öðrum og farið heim svo að hægt væri að byrja fresh start. Auðvitað var ég í þeim hópi. Heima beið okkar svo fínasta lasagna og kvöldvaka í framhaldinu þar sem slegið var á létta strengi og þögnin rofin um hið marg um talað leyniatriði Önnu Þóru, Kristín Eddu og Hrefnu Rún. Þetta var svo gaman að ég er ennþá með harðsperrur í maganum. Stelpurnar vorum bæði með vísbendingaspurningar og svo myndband með hverri og einni gelloz píu í ferðinni og sumir fengu fleiri en eitt atriði t.d. ég. Dean Martin lék sjálfan sig meira að segja á móti mér;) Svo var kjaftað og drukkin meiri bjór og svo bara farið í háttinn.
Laugardagurinn einkenntist svo að dekri en við fórum á svona country club í spa og vorum þar alltan daginn í frábæru yfirlæti. Milli matur og dekurs og pottsins var svo farið í Actionary a la gelloz og gat ég leikið "svartur maur að ríða dúfu" með litla fingri nánast. Það gleymdist reyndar svartur en hvað var það milli vina. Ég meina "spörfugl með hægðartregðu" var nú peace of cake. Eftir spa-ið var svo farið út að borða á Leamington spa and grill sem er svona gamalt ballroom rosalega flott. Það kom einn maður af mér á veitingastaðnum og hvíslaði að mér að ég væri Gorgeous. Það reyndist svo ekkert vera neitt merkilegt þar sem að þetta var aðal pikk up lína kvöldsins og allir fengu hana líka. En ég fékk hana þó fyrst og mest edrú;)Eftir ljúfenga máltíð var djammið tekið með stæl og stóðið vakti athygli hvar sem var. Stóðið vakti athygli hvar sem það fór. Sumir voru nánast bara hræddir við þessa þvílíku fegurð sem þarna var á ferð. Anna Þóra, Kristín Edda og Hrefna heilaga þrenningin og voru þarna frá Horse magazine eins og glöggt sést á myndum ferðarinnar. Það er búin að vekja mikla lukku. Ég var í síðasta holli heim ásamt þeim sem voru líka með bein í nefinu. Hrefna frænka hefur reyndar afsökun því að hún var með svo þungt veski. Svo var það náttúrulega Jonh sem heillaðist svona all svakalega af einni;)
Sunnudagur: Var farið og borðað á pizza express ljúfengar bökur og ég held að ég hafi átt þynnku dagsins. Oj ég var meira að segja búin að finna klósettið just in case. Svo var farið og verslað aðeins meira... visa bling bling. Pantaður kínverskur um kveldið og horft á Sylvíu Nótt síðan kvöldið áður og myndbandið endurtekið. Svo fékk ég einn afmælispakka og köku og söng;) Já allt er þegar maður er í útlöndum. Svo farið í fyrra fallinu í háttinn.
Mánudagur: Vaknað snemma og skellt sér í sturtu í sundlauginni. Svo fékk ég mér að versla já já já og visa bling bling bling svona á loka klst því að manni finnst aldrei komið nóg eða hvað? Svo kvöddum við Jóku og fallegu fjölskylduna hennar í fína húsinu í flotta landinu. Ástarþakkir fyrir allt. Þetta er ferð sem ég á aldrei eftir að gleyma með skemmtilegustu og fallegustu skvísunum:) Thanks to you all my dears.
Svo svona bara upp á grínið þá var vísa bling bling bling bling bling aðeins strauða eftir að heim var komið bara svona til að teigja;)
Svo á mín barasta afmæli á morgun... Ekki gleyma því;)
Þar til á morgun,
Eva rúmlega tvítug