Síðasta mærin í dalnum

. . . . . . . . . . . . . Life as I know it . . . . . . . . . . . . .

sunnudagur, nóvember 27, 2005

Daníel Viðar Davíðsson kærastinn minn!

I WILL NOT GO OUT WITH A MAN WHO HASN´T ASKED ME OUT FIRST! Been there
I WILL NOT GO OUT WITH A MAN WHO KEEPS ME WAITING BY THE PHONE! Done that
I WILL NOT DATE A MAN WHO ISN´T SURE HE WANT´S TO DATE ME! Hmmmmm…..
I WILL NOT DATE A MAN WHO MAKES ME FEEL SEXUALLY UNDESIRABLE! Nobb not gonna
I WILL NOT DATE A MAN WHO DRINKS OR DOES DRUGS TO AN EXTGENT THAT MAKES ME UNCOMFORTABLE!
I WILL NOT BE WITH A MAN WHO'S AFRAID TO TALK ABOUT THE FUTURE! How hasn´t!
I WILL NOT, UNDER ANY CIRCUMSTANCES, SPEND MY PRECIOUS TIME WITH A MAN WHO HAS ALREADY REJECTED ME! Been there
I WILL NOT BE WITH A MAN WHO IS NOT CLEARLY A GOOD, KIND, LOVING PERSON! Done that
Úr bókinni He's just not that into you sem ég vil gjarnan frá í jólagjöf.

Þannig að ég hef ákveðið að búa mér bara til minn kærasta á DVD og þaðan kemur nafnið; Daníel Valur Davíðsson. Hann er fullkomin, frábær, fyndinn og bara allt sem ég vill. Hann gerir allt sem ég vill, er sjúklega vel upp alinn og þjálfaður og fer aldrei í fílu, frábær kokkur, hann er aldrei of þreyttur til að spjalla eða strjúka á mér bakið. Hann færir mér oft blóm og hann veit að ég elska skartgripi og dekrar mig óspart. Hann er besti kærasti í heimi.
Spáið í því hvað þetta væri þægilegt. Maður færi bara í valmöguleika á hvernig gæjinn liti út og svo bara velja; út að borða, kúra, kynlíf, bíó, göngutúr og svo frv. Svo gæti maður þar farið inn í annan valmöguleika og valið út frá því. Maður gæti líka valið hvað maður vill heyra, ”þú ert alltaf svo mjó” og ”þú lítur svo vel út í þessu” og ”ég elska þig svo mikið”. Svo ef maður verður leiður á honum getur maður bara ýtt á off.
Það er farið að framleiða allan anskotann svona í tölvu bissnesinum þannig að mér þykir þetta alls ekki svo vitlaust. Kannski gæti ég stofnað fyrirtæki með höfundum bókarinnar. Þær selt bækurnar og þá sjá allar stelpur að hinn fullkomni karlmaður er vandfundinn og ég þá selt þeim DVDið. Ji ég er bara komin með bullandi bisness. Já svo gæti ég náttúrulega selt með ýmsa aukahluti. Já money money peningar.
Það er akuratt að koma sá tími að manni langt svo að eiga kærasta. En þetta rennur bara úr höndunum á mér. Ekki nóg með það heldur vantar mér ennþá hvítu kúrekastígvélin! (þó að ég hafi fengið hvítu kápuna síðustu jól). Ég meina þessi DVD diskur verður aldrei komin út fyrr en þar þar næstu jól eða eitthvað. Ohhhhhh...

Svo var mér sagt að kynferðislegir draumar (þarna síðan í síðustu viku) séu mjög mikið tengdir kynferðislegum löngunum þannig að það mætti halda að ég væri annsi illa haldin ef ég þarf að leita til hinna framliðnu eftir því..... Ég get svarið það.

Við Anna Huld vorum að skreyta og það er svo flott og jólalegt hérna hjá okkur. Spurning um hvort að maður eigi að hafa arkitektinn í bakhöndinni. Ég er alveg að finna jólin núna. Við erum búnar að vera að hlusta á jólatónlistina á létt og svo henti ég í pönnsur til að fá smá bökunarilm. Ekkert kannski alveg jóla en hann var samt indæll.

Ég er komin með einhverja Y/Ý áráttu og ég set þá óspart inn í allt sem ég er að skrifa. Ekki spurja mig af hverju.

En það er best að snúa sér aftur að lærdómnum. Ég fékk smá panic kast í dag yfir þessu öllu. Ég segi bara eitt ÚFFFFFFFF. Kannski maður losi sig við nokkur kíló fyrir jólin af þessu stressi. Ég mun gjarna þiggja alla góða vætti nema vættina hennar Ólafar mömmu Thelmu. Þeir eru ekki mínir en Thelmu aftur á móti þætti mér vænt að fá.

Eva Útgefandi með meiru.

Ps. Svo segja rannsóknir að heili einhverfra sé eins og ýkt mynd af heila karlmanna. Það er kannski ástæðan fyrir allri þessari einhæfni. Tja maður spyr sig.

mánudagur, nóvember 21, 2005

Heilinn minn þetta litla skinn!

Mig dreymdi í nótt að ég væri að sofa hjá manneskju sem er dáinn. Við vorum reyndar bæði á lífi. Mjög óvenjulegt en mig langar mjög að vita hvað þetta þýðir.
Svo á föstudagsnóttina dreymdi mig að ég væri ófrísk, komin 3 mánuði á leið en var ekki alveg að trúa því og vildi ekki taka óléttuprufu. En sumir voru svo ánægðir, t.d. hún Ólöf Lilja, hún var búin að gera heimasíðu á barnalandi og allt. Á forsíðunni var hún búin að skrifa fullt af bulli um apa og allskonar dýr og bara rugl. Ég var bara ”Ólöf, viltu hætta? Og hvað er með þetta rugl?” En henni fannst þetta voða sniðugt til að fá sem flestar heimsóknir og var með þetta alveg út pælt en ég bara ekkert að viðurkenna að ég væri ólétt og læti.

Ég ákvað vegna mikillar heimþrár að fljúga heim á miðvikudaginn og eftir þeim peningum sé ég sko ekki. Það var svo gott að komast heim til að knúsa stelpurnar mínar aðeins. Ég var nú bara mest upp á Skaga en fór til Rvk að meðaltali daglega. Kemur svo sem ekkert á óvart. Pabbi minn lét nú sem minnst sjá sig heima hjá sér og í fyrsta skipti get ég sagt að ég hafi nánast ekkert séð framan í hann meðan ég stoppaði heima. En karlinn er orðin mjög fallega tenndur og svona.

Á fösudagskvöldið vorum við að spila hjá Önnu Þóru þar sem að sumir fóru á kostum en þó held ég að 21 SPJALL Mósesar og lata tíkin sem átti að meðal tali 3 hvolpa með SAMA hundinum hafi staðið upp úr. Svo vildi enginn taka góðu veðmáli sem var í gangi um það að sá sem gæti tekið rosadraum á 33 sek mætti eiga hann, svo var þetta hækkað upp í 40 sek og borgað með 100 kall á kjaft en við héldum allar aftur að okkur og draumurinn stendur enn til boða.
Við stelpurnar fórum svo á djammið á laugardagskvöldið í RVK. Það var bara nokkuð skemmtilegt en ég veit ekki hvað er búið að setja út í Lite bjórinn, en þó það séu less kaloríur er bara búið að setja eitthvað annað í staðinn. Ég verð svo klikkuð að það er bara ekki norm. Ætluðum á Oliver en fórum svo bara á Sólon sem var ekki að gera sig og svo á Hressó. Nú mér fannst Hressó orðið mega töff staður, með dansgólfi sem snýst og flottheit eða svo hélt ég. Vinkonum mínum til skelfingar horfðu þær bara á mig og báðu mig vinsamlegast um að halda þessum skemmtilegu ummælum bara fyrir mig. Það snérist nefninlega bara í höfðinu á mér... Jæja svo fór ég og hélt gleði minni áfram. Á tímabili komst ég svo á það sem ég kalla kærleiksstigið. Ég kemst ekki alltaf á þetta stig heldur bara stundum og þetta byrjaði ekki nema fyrir ári síðan. Þegar ég er á því þá tel ég mig geta bjargað heiminum og í minni mestu einlægni trúi ég því á þessu stigi. Ég tók þvílíka sálfræði á einhvern útlending þarna. Það er spurning hvort að þetta sé eitthvað í bjórnum líka. Nú ég hringdi svo í hana Mareni mína og spurði hana hvort að Eva Laufey systir hennar vær með henni. Nei nei og Maren skildi ekkert í mér. En ég bara: ”Já hún hringdi nefninlega í mig áðan af því að hún var með símanúmerið í minninu sínu og ætlar að vekja í mig í fyrramálið.” Maren bara: ”Hvað ertu að rugla?” Ég ”Jú hún hringdi í mig áðan úr svona heimatilbúnu símanúmeri.” Heimatilbúnu símanúmeri???? Allt er nú til (eða ekki). Nú ég fór svo bara heim til stelpnanna og svaf á nærbuxum og bol í leðursófanum. Oj var ógeðslega að vakna svo límd við hann. Spurning um að hafa með sér náttbuxur næst;)

Í gær kíktum við svo nokkrar á hann Magga litla Sveins sem er svo gullfallegur og góður. Svaf bara eins og engill hjá mér. Enda svo gott að kúra hjá mér.
Við brunuðum svo bara norður seinnipartinn í gær með troðfullan bíl og 4 fallega rassa.

Elsku Ólöf mín til hamingju með afmælið. Ég er að fara í kökur þriðja daginn í röð!!!
Hver er svo að tala um aukakíló???

Kyss kyss, Eva klikk.

mánudagur, nóvember 14, 2005

Samningsviðræður við Guð

Í síðustu viku kom dálítið fyrir mig sem hefur aldrei gerst áður. Manneskja sem ég var að tala við í síma sofnaði í miðju samtali við mig! Þetta fékk mig til að hugsa. Tala ég virkilega svona mikið? eða er ég bara svona leiðinleg? Nei þar sem hvorugt getur mögulega passað. Ég er bara með svo þæginlega rödd og það er svo gott að hlusta á mig. Ég er líka mjög góð í að hlusta en það reyndi svo sem ekki mikið á það í þessum samtölum. Kannski ég ætti að fara að gerast jóga kennari eða tala inn á spólur. Hugsaðu þér töluna fimmmmmmmm…..

Samningsviðræður mínar við almættir hafa stundum gengið af óskum og sú varð einmitt raunin um helgina. Reyndar fór það kannski ekki alveg á þann veg sem ég hefði helst kosið. Ég stóð við mitt alla síðustu viku og hann stóð við sitt (ekki að hann hafi svarað mér eða neitt). Vinkonum mínum finnast þessar samningaviðræður mínar við Guð vera ótrúlegar. En þær virka yfirleitt og á meðan ég stend við minn hluta samningsins þá finnst mér ég kannski eiga skilið smá hrós fyrir. Jú ég fékk mitt en kannski hafði ég samninginn ekki alveg nógu skýran en það er víst orðið um seinan að breyta honum þar sem að samningstíminn er liðinn.

Við nokkrar stelpurnar áttum nokkuð skemmtilegar umræður í síðustu viku. Við vorum að tala um það að þegar maður er að segja frá einhverju eða tala við einhvern sérstaklega ef að maður er feimin eða að tala við einhvern sem að maður þekkir ekki mikið, þá þykist maður oft vera svo upptekin að vera að gera þetta og hitt og geispar jafnvel. Takið eftir þessu því að þetta er svo satt og þetta er svo fyndið og maður gerir þetta svo ómeðvitað.

Einnig aðrar stelpu umræður. Stundum þegar par hættir saman þá er ástæðan stundum sú að ”hún” (ekki einhlýtt), stelpan er einfaldlega ekki það sem hann er að leita að. Þetta spratt upp úr umræðu um ákveðinn aðila sem sagði svipað í mánuði einum. Nokkrum mánuðum seinna var svo stúlkan akkurat sú sem hann var að leyta að. Þannig að segið mér, eru strákar með svona þema; stúlka mánaðarins! Hvað mánuður er ég... kannski október eða er ég meira mars? Getur það virkilega verið þannig að einhver passar manni ekki þá en er akkurat manneskjan fyrir mann seinna. Þetta finnst mér svolítið tvisted. Samt sem áður getur komið inn í þetta: ”enginn veit hvað átt hefur fyrr en misst hefur” og ”að maður verði að hitta rétta fólkið til að hitta ranga fólkið”. Ekki meta fólk að útlitinu því það getur blekt og ekki meta fólk að veraldlegum gæðum því þau geta horfið. Allt satt og rétt. En ef maður reynir að lifa samkvæmt þessu. Ef við vitum hvað við eigum áður en við missum það? Ef maður hefur hitt bæði ranga og rétta fólkið en hvorugt gengið upp. Ég tel mig nú hafa séð mun á góðu og slæmu en hvað á maður þá að fá út úr því eða læra á því eða þroskast á því? Mér fannst ég hafa lært það að það er hægt að meta manneskjur á annan hátt en ég hafði alltaf ýmindað mér. En hvað með þetta góða? Hvað lærir maður á því að öðlast ekki áframhald á því? Ég er bara þannig að ég öðlast ekki hugarró fyrr en ég fær svar við öllum mínum spurningum. Erfið er ég. Ok maður getur getið sér til en hvað er manni skjátlast?

What´s going on in the brainhouse!

Bara smá vangaveltu svona á helv.. mánudegi. Endilega tjáið ykkur til ef þið hafið eitthvað til málanna að leggja.

Eva hugsuður

Ps. Stefni á að verða kona aldarinnar;)

mánudagur, nóvember 07, 2005

Enn tveim bjórum of mikið

Já nú er ég ekki að grínast en nú þarf ég alvarlega að fara að íhuga mín mál. Þetta er farið að verða vandræðalegt með þessa bjóra sem ég drekk umfram því sem góðu hófi gegnir. Á laugardagskvöldið var girls night out. Já og það var partý og það var farið á Amor. Ég þurfti að sjálfsögðu að láta ljós mitt skýna og hef að ég held skemmt fólki ágætlega hvort sem var á staðnum eða daginn eftir þegar ég var að tala um hvað ég hefði nú verið klikkuð. Þegar maður er beðin um high five í skólanum á mánudegi þá þýðir það bara eitt. Já já ég hitti Dean Martin fótbolta dude sem bjó hérna á Akureyri en býr núna á Skaganum. Hann brosti alveg voða til mín þannig að ég labbaði til hans og við fórum að tjatta. Hann talar nú bara ágætis íslensku en nei ég svaraði honum alltaf á ensku þó að hann talaði íslensku. Undir lok samtalsins þá segir hann: "Af hverju talar þú bara ensku við mig?" Og ég svaraði: "Because your english!" eins og ekkert væri sjálfsagðara. Svo labbaði ég bara í burtu og hélt áfram að moka skít. Þegar ég labbaði svo út af Amor veit ekki hvenær... þá var eins og ég bara labbaði inn í þoku því ég man EKKERT og þá meina ég EKKERT. Ég vissi ekki hvernig ég fór heim, labbandi eða með taxa. Vaknaði bara daginn eftir og hringdi í Mareni sem heldur því fram að ég hafi ennþá verið full. En nú er ég hætt þessu rugli...

Nú erum við búnar með rannsóknarverkefnið og hjúkunarverkefnið tekur við. Ég ætla að vera rosa dugleg í vikunni og taka maraþon þvotta og mega þrif. Fara alla daga vikunnar í ræktina. Klára þetta verkefni fyrir helgi. Jafnvel að negla upp nokkrar myndir. Skipta um fjögur dekk á dæjaranum þar sem að dekkin sem sett voru undir voru ekki rétt dekk... ætlum ekkert að ræða það neitt frekar. Þannig að ég þarf nú aldeilis að skella mér í skítagallan og taka upp spliffið, donkið og gengjuna og þá getur þetta ekki orðið mikið mál. Er reyndar að spá í að biðja Ólöfu að vera hjá mér og segja mér brandara á meðan.

Nú fer aldeilis að líða að prófum og ekki nema 3 vikur til stefnu. Rebekka er alltaf svo yndisleg að minna mann á þetta hvort sem það er á msn eða niðurtalningu á blogginu. Úff þá er mál að spíta í lófana. Ætla reyndar að eiga næstu tvær helgar frí. Næsta helgi verður vonandi helgi góðra og gæða hluta og vinkonur mínar eru nefninlega að spá í að koma þar næstu helgi. Já góðir hlutir gerast hægt. Þá er Anna Huld líka að koma heim og jafnvel að það verði slegið upp í eina afmælisveislu eða svo. Sálin er líka í Sjallanum og kannski að maður fái sér tveim bjórum færra þá helgina. Learn from your mistake. Og svo vilja náttúrulega bara allir búa hjá mér því ég er svo asskoti heimilisvæn. Leyfið börnunum að koma til mín.

Ég var að skoða myndirnar af prisninum hennar Ellu Málmfríðar og hann er svo æðislegur. Hlakka til að fara í þetta horn föndurgerðarinnar en það er ekkert að fara að gerast allavega ekkert næstu níu mánuðina. Fékk high five í gær fyrir að koma með góða yfirlýsingu en það verður nú ekkert úr henni. Þetta lá bara svo vel við. Ég er bara að skora þessa dagana.

Over and out Roger, Eva massi

Ps. Ég hef gefist upp með þessa rassálfa!

þriðjudagur, nóvember 01, 2005

" Djöfuleg internet-dömp"... nei ekki aftur

Hljómar þetta ekki kunnuglega? Kannski eins og að fara 15 mánuðum aftur í tímann? Jú jú alveg rétt. Þá var pistill þessa efnis einmitt hérna á þessu bloggi; "Dömpað á msn." Ég sá grein um þetta eftir Hörpu Pétursdóttir sem skrifar svona "tískugreinar" sem kallast Reykjarvíkunætur í fréttablaðið. Harpa furðar sig hér á uppsögnum á msn. Þar segir hún frá því að vinkona sín hafi verið að tala við hana á msn og sagt: "Mér var dömpað á msn!" Hörpu missti hökuna niður í kjöltu yfir því að hún væri að segja sér þetta á msn og hvað þá yfir ósmekklegheitum og lúðaskap í aumingja drengum. Heyr heyr. Reyndar tók vinkona hennar þessu mun betur (en ég en ég gat ekki borðar heila máltíð í hálfan mánuð þar sem að mér fannst ég hafa fullkomlega brugðist) En vinkonan hún svaraði honum bara "ha ha ha." sem ég vildi svo að ég hefði gert (en hlátur var sko ekki ofarlega í huga mér þessar mínútur) því hvað annað á maður að segja við svona skilaboðum. En ekki var allt búið enn og Harpa segist síðan hafa frétt af fleirum slíkum uppsögnum sem falla undir álíka gæðastuðul! Hún spyr hvort að einhver manneskja eigi þetta skilið? Já efalaus einhver! Okkur Hörpu finnst að manneskjan sem er í þann mund að fara að brjóta hjartað í einhverjum eigi allavega að fá svolítin sting, svitna og fá örlítið samviskubit yfir dramanu sem hann er í þann mund að skapa. Verður allt í framtíðin farið að fara fram ONLINE endar svo pistillinn. Ég er bara svo yfir mig endalaust hamingjusöm að vera ekki eini einstaklingurinn sem fékk þessi sorglegu málagjöld. Ég átti þau að allra mati engan vegin skilið þar sem að ég hafði ekki gert annað en að vera til fyrirmyndar í einu og öllu! Enda aldrei aldrei aldrei aftur ætla ég í þennan pakka;) Nú 15 mánuðum seinna finnst mér þetta nú bara grátbroslegt. Fyrir ykkur sem misstuð að þessum pistli þá geti þið fundið hann hérna undir gömlum færslum. Ég er reyndar búin að draga úr honum þar sem ég kann mér mannasiði þegar að reiðin er runninn af mér.

En stelpan er nú bara að meika það. Ég er nú aldeilis á tveim myndum yfir mest skoðuðu myndirnar á cafe Amour s.s. topp tíu og ekki nóg með það heldur er ég á þessari sem er í fyrsta sæti;) Mundi telja það nokkuð gott þar sem að ég hef ekki djammað það nema tvisvar sinnum í vetur.

Helgin var bara lásí.(Reyndar kíkti ég á kaffihús um miðpart laugardags sem var ágætt) Ég var nú eitthvað hálf vönkuð eftir atvikið þarna um daginn þannig að ég eyddi helginni bara innan dyra og var komin upp í rúm fyrir miðnætti alla daganma. Sorglegt? Læt ykkur dæma um það. Föstudagskvöldinu eyddi ég í að skipuleggja skóladót og prófa 10 mismunandi tyggjó tegundir. Sorglegt? Já ég held það. Laugardagskvöldinu eyddi ég svo í videogláp og þegar videoið byrjaði með gelgjustælana (taka hljóðið, stoppa og spóla til baka) Tók ég það úr sambandi og fór inn í rúm í morkinni fýlu. Sorglegt? Jább! En það geta ekki allir dagar verið föstudagar.

Mig langar að segja ykkur frá því að af því að ég gleymi því alltaf. Það er búið að loka heimasíðunni sem ég var með allar myndirnar mínar inn á þannig að ég þarf bara að vinna í því að finna mér einhverja nýja og góða. Þá geta allir og sérstaklega Kristín Edda sem ég er farin að hallast að að sé eitthvað mynda-tölvu-fötluð.

En mig langar að óska öllum nýju mömmunum mínum til hamingju, Ellu Málmfríði með prinsinn, Katrínu Ósk og Tanyu vinkonu minni sem er mesta perla sem ég hef á ævinni kynnst frá Suður-Afríku með litlu prinsessurnar sínar. Já allir eru að gera það......... gott. Mér var nú bent á það þegar ég var að ræða um alla þessa litlu herramenn í vinhópnum okkar sem komið hafa í röð að það væri best bara að klæða karlanna úr sokkunum. Eru þið virkilega svon mikið fyrir sokka stelpur? En ta ta tamm hver verður fyrst að tættann úr sokkunum og koma með stelpuna. Ég held að ég eigi því miður að víkja í þetta skiptið. En vill jafnframt benda á að Evu nafnið er ennþá laust.

Eitt í lokin. Hvað er rassálfur??? Vill einhver segja mér það.

Ekki búin að tapa gleðinni,

Eva útrásari