Síðasta mærin í dalnum

. . . . . . . . . . . . . Life as I know it . . . . . . . . . . . . .

föstudagur, desember 03, 2004

Prófasnjór, Prófahjól, Prófatré, Prófabjöllur.............
EINS OG TÍÐKAST Á eL gELLOZ...... ööööööömmmuuurrrlllleeeegggtttt.

Jæja niðurtalning á síðunni hennar Rebbu er víst komin niður í 3 daga í atburðinn, sem mun vera fyrsta prófið mitt þetta árið. Vefja- og frumulíffræði sem ég elska nota bene. Ég ætla að byðja alla góðu vættina sem mamma hennar Thelmu sendi mér í fyrra um að halda sig færri. Mér þætti svo sem ekkert af því að fá smá aðra hjálp að handan þó hún Anna mín haldi því fram að ég sé alltaf að byðja hann guð um eitthvað. Hann má líka alveg bara byðja mig um einhverja greiða í staðinn. Heyrirðu það God ALmighty.
Þar sem að prófatíðinn er að byrja ætla ég að setja bloggið á "hold" í 14 daga. Þið fyrirgefið mér það alveg er það ekki? Allavega Ella Dóra sem bloggar tvisvar í mánuði. Ég efast um að Jóna nái því og hvað þá Ella Málmfríður sem bloggar bara ekkert í marga mánuði.

Anna Huld átti afmæli í gær. Ég gat náttúrulega ekki látið henni í hendur alla athyglina. Dagurinn var tekin snemma þar sem ég reif mig fram úr kl 06:20 til að sinna kalli náttúrunnar. Þó að það væri gott að sumum part var annari helmingi verri en blöðrubólgan er mætt. Upp í rúm og aftur fram úr kl 06:40 og kveikti þá á ofninum í leiðinni fyrir frostnu sælkerabollurnar. Aftur upp í rúm og kl 07:oo var þriðja ferðin farið og þá var morgunverðaborðið gert tilbúið milli þessa náttúrukallna sem voru sko algjört prump eða þið vitið, dropar öllu heldur. Kl 07:30 sendi ég Önnu litlu sms kveðju og kvað hana til borðhalds. Ég var bara á náðarkoppnum þegar hún kom fram og var þar á milli þess sem ég skrensaði í mitt sæti við eldhúsborðið og reyndi að gúffa í mig. Kl 08:00 hafði ég þvegið mér sennilega svona 10 sinnum um hendurnar sem voru orðnar eldrauðar, úttúttnaðar og mister Contact Exem gamall félagi minn ákvað að kíkja á hendurnar. Ég fór með hörku upp í rúm eftir íbúfen, trönuberjasafa og C - vítamín og frekar lélegur afmælishaldari og lét Önnu sjá um að taka af borðinu. Sofna ég skildi og ég gerði þar sem betur fer og svaf í klst. Kl var þá loks 10 og Lyf og heilsa var nákvæmlega Gallerý 17 dagsins. Er nú byrjuð á sýklalyfjum sem fara ekkert mjög vel í mig þar sem ég er með æluna upp í koki allan daginn. Anda inn um nefið út um munnin. Þar sem ég er nú á 4 sýklalyfjaskammtinum mínum síðan í ágúst þá hef ég lagt öðrum pillum til hliðar svo sem flúortöflum, íbúfeninu, C - vítamíni og Lýsisperlum og fjölvítamínið er jafnvel látið liggja milli hluta. Ég tala nú ekki um að Oxitosinið hefur ekki verið opnað. Svona fyrir ykkur sem ekki vitið það þá bíður lyf og heilsa ekki upp á afsláttarkort en ég væri sennilega komin með afslátt á læknisþjónustu hefði ég haldið þeim til haga. Fyrir ykkur utan innsta hrings þá er ég ekki vanalega þessi sjúklingur. Þetta ár er frávik frá norminu mínu. En ég ætla virkilega að þráast við og ekki byrja á Elecon sterakreminu mínu enda verður það bókað tekið upp seinna í mánuðnum þegar ég verð á SHA. Ég er ekki einu sinni með kalium perg kláðastillandi vökvan minn hér eða neitt af bómullarhönskunum þannig að ég verð bara að bíta á jaxlinn. Ég hefði kannski frekar átt að velja mér lyfjafræðina í stað hjúkrunar... Já þið haldið að þetta sé búið Ó nei! Ég skrapp í Body Pump sem er kannski ekki frásögufærandi nema hvað í næst síðasta laginu var ég orðin alveg óvenju sveitt, með mjög öran hjartslátt og þetta var bara ekki alveg að blíva. Jæja ég gat ekki orðið lyft stönginni og var svona aðeins farin að finna fyrir meiri ógleði og svima. Ég hugsaði mig um hvort að ég ætti að hlaupa fram eða að reyna að halda út. Þar sem að næsta stopp kom, gekk ég að Önnu og bað hana að ganga frá dótinu mínu. Hún horfði bara á mig þar sem ég var grá að fölva í framan og heyrði ekki einu sinni það sem ég sagði. Ég fór beinustu leiðin inn á klósett þar sem ég dvaldi við í eins og 5 mínútur. Á leiðinni heim másaði ég svo og blés og reglumanneskjan ég, labbaði UPP í kápunni, með húfuna og vettlingana og LAGÐIST í þessu upp í rúm. Gölluð vara ...... nei ég tek þetta bara allt út í einu;) Þetta eru nú sennilega bara aukaverkanirnar af þessum pillum en ekki besti tíminn kannski.
Ég er nú bara að segja ykkur þessi tíðindi vegna þess að ég hef bara ekkert merkilegt að segja!

En víst að Anna átti afmæli í gær fórum við í jólahúsið sem var bara lovely og keyptum inn fyrir smá afmælisboð. Grínlaust þá mun ég heimta fálkaorðu Jóhannesar fyrir því hvað ég er trygg Bónus. Ég gat nú bætt upp fyrir ömurlega framkomu mína þarna um morgunin og bakaði eina köku og gerði brauðrétt og undirbjó kvöldið. Ég eldaði svo kjúlla með tilheyrandi á meðan Anna þreif og skreytti undir tónum jólalagana enda er jólaandinn mættur í hús og toppaði það 1. des að heyra uppáhalds jólalagið mitt sem er með Gunna Óla og Einar Ágústi í útvarpinu. Gestirnir tíndust svo inn einn af öðrum, eftir Bráðavaktina að sjállfsögðu og það var bara rólegt og fínt eins og er farið að tíðkast í Álfabyggðini. Djammarinn er dauður.

Annars hef ég ekkert merkilegt að segja svo sem. Hef bara verið í rólegheitunum sjáið að ofan. Helgin fram undan fer ekki í annað en að læra, borða og sofa. Og ætlum við stöllur ekki að leyfa okkur að kveikja á sjónvarpinu nema fyrir jóladagatalið "Á baðkari til Betlehem" sem er náttúrulega bara snilld. Mæli með því að horfa á það, allavega einn þátt. Það er um að gera að varðveita barnið í sjálfum sér. Anna gaf mér meira að segja súkkulaðidagatal sem ég er reyndar eindregið á móti og bókað að íþróttaálfurinn líka. Ég fékk nú bara einu sinni svoleiðis og var búin með það 15 des. En lífið gengur bara vel þessa dagna og allt er að ganga af óskum enn sem komið er. Árið 2005 er handann við hornið og oddatöluár er ætíð best í mínu lífi en það eru enn 29 dagar eftir að þessu. Hitt kemur víst bara í ljós;) eins og einhver segir alltaf.

Prinsessan hennar Hófí vinkonu fékk nafn á laugardaginn og var hún skýrð Hafrún Arna og er linkur fyrir hana hérna til hliðar. Hófí átti líka afmæli þá og óska ég henni til hamingju ásamt hinum afmælisbörnunum: Katrín Ósk, Fannari frænda, Málmfríði, Aldísi og Fanney en þetta fólk á allt eftir að eiga afmæli á þeim dögum sem ekkert verður bloggað á.

En ég þarf að skrifa eitt hjartnæmt bréf á tungu kennda við Englendinga.

Þar til næst, gangi ykkur rosalega vel í prófunum.

Ég get, ætla, skal....... síðasti sénst til að kjessa gæs. Var það ekki þannig?

Baráttukveðjur með kossi Eva Englabossi

Ps. Fyrir ykkur sem eruð að vandræðast með jólagjöf handa mér. Þá var voða fín hvít kápa í Hagkaupsbæklingnum í dag. Ég þarf stærð nr14 sennilegast og vil bara hvíta. Ég læt ykkur svo bara vita þegar ég finn hvítu kúrekastígvélin.